कर्णाली सरकारमा सहभागी कांग्रेसका चार मन्त्रीले सामूहिक राजीनामा दिएका छन्।
बिज्ञापन
कांग्रेसबाट उद्योग, पर्यटन, वन तथा वातावरण मन्त्री सुरेश अधिकारीले पनि आज बिहान मुख्यमन्त्री मुख्यमन्त्री यामलाल कँडेल समक्ष राजीनामा बुझाएका हुन् । एमालेका मुख्यमन्त्री कँडेलले नेतृत्व गरेको कर्णाली प्रदेश सरकारमा कांग्रेसका चार मन्त्री थिए । आर्थिक मामिला मन्त्री राजीवविक्रम शाह, जलस्रोत मन्त्री विजया बुढा, सामाजिक विकास मन्त्री घनश्याम भण्डारी र उद्योग, पर्यटन, वन तथा वातावरण सुरेश अधिकारी कांग्रेसबाट मन्त्री थिए ।
बिज्ञापन
आज बिहानका लागि कर्णाली सरकारको मन्त्रिपरिषद् बैठक बसेको थियो। उक्त बैठकमा कांग्रेसका कुनै पनि मन्त्री सहभागी भएनन्। मुख्यमन्त्री कार्यालय पुगेका वनमन्त्री अधिकारी र सामाजिक विकासमन्त्री भण्डारी मन्त्रिपरिषद् बैठकमा नबसेर राजीनामा दिएर फर्किएका थिए।
उता सुदूरपश्चिम प्रदेश सरकारको आगामी आर्थिक वर्षको बजेटलाई लिएर कांग्रेस र नेकपा एमालेबीच चर्किएको बिषय बाहिरएको छ । एमालेले बजेट पुनर्लेखन हुनुपर्ने अडान कायम राखेको छ । तर, सरकारको नेतृत्व गरिरहेको कांग्रेस भने प्राविधिक त्रुटि मात्र सच्याएर वर्तमान बजेट पारित गर्नुपर्ने पक्षमा छ । यही मतभेदले सत्ता साझेदारबीचको दूरी झन् बढाएको छ ।
बिज्ञापन
